Leje Bandidos höbbe handjgranate ligke

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


(lagerfoto)

MOFERT - 22 jannewarie 2019 - In Houtum en Ech zeen dizmörges handjgranate vónje. Bei vel zówwe verbónje zeen via de moeaterclub Bandidas. In Holtum woort 't explosief óntdèk innen haof van 'n weuning ane Veldjgraafwaeg, 'n straot inne midde van 't dörp. Ouch in Ech laag de granaat innen haof van 'n weuning. Hie geit 't euveren achterhaof vanne naobers van e Bandidos-lid ane Cypresstraot.

d'n Drekken ómgaeving van bei de hoezer is aafgezatj wore. De weuninge bie 't hoes van Houtem zeen óntruump wore; die van Ech nanneet. Ieës kiek de ExplosievenOprumingsdeens (EOD) in Houtem en daonao wuuertj betrach of ouch nuuedig is veur in Ech al te óntrume. De EOD kwaam róndj 11:30 oere aan in Houtem, worop me 'n vörsjing haet ingestaldj. Róndj 12:30 oere haw me al ónger kóntraol. Of springstóf inne granaat zaat is nag ónbekandj.

In 't hoes in Houtem zów 'ne zoon vanne Bandidas-veurman Harrie Ramakers wone. Bie dem woort veur 'n maondj trögk ol 'n handjgranaat vónjen innen haof oppe Nuujstad. Ramakers waas zelf ouch bieje aafgezatje straot dao. Nao de vónjs vanne granaat bie dem kome dao ane straot 'nen tiejeliken dörpel, cameratoezich en extra toezich van pliesse. d'n Aafgeloupe vriedig zeen die maotregelen opgelöf wore.

De granaat die in Ech waas vónjen is ieës door 't vrouwmis det die haw vónje verplaats wore vanoeten haof nao 'ne brandjgank, beveur zie de hölpdeenste beldje.

Dizmiddigs haet e spoodeuverlag plaats dore vónjs vanne granate. 't Euverlag zal waere geplieëg dore pliesse, 't Aopenbaar Ministrie enne börgermeister van Zitterd-Gelaen. Meugelikerwies waere saortgelieke maotregele getróffen es woort gedaon oppe Nuujstad.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.