Legale kemp krieg broekswaorsjoewing
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 3 april 2018 - 't Experiment mitte verkoup van legaal-geteeldje kemp geit gepaardj mit 'n veurleechtingskampanj euvere risico's. Det is gegrundj op 't kónsepswètsveurstèl det de legaal teeltj meugelik mót make. 't Experiment geit vief jaor en twieë maondj doeren en begintj op 't vreugsten anen ènj van 2019.
Oppe verpakking vanne kemp zal de samestèlling, de wieväölheid vanne wirkzaam stof en 'nen oetlag euvere gezóndjheidsrisico's staon. De telers die de kemp gaon kwieëke waere geworve via 'n aopenbaar aanbestaejing enne kwieëk krieg plaats ónger toezich. "'t Geit euver e kosbaar perduk det ónger gei bedink maag eweglaeke nao 't krimineel circuit".
In 't regeerakkaord is aafgemaak det in 'n aantaal aan gemèndje zal waeren experimenteerdj mitte teeltj van kemp veur recreatief gebroek. De proof zal loipen in zès toet tieën regionaal versprèdje gemèndje. In welche gemèndje de legale kamp zal waere verkoch is nanneet bekandj. Limbörgse börgermeisters zint in eder val enthousias. Zie pleiten al jaore veure legalisaasje vanne kempteeltj.
De proof mót ónger anger dudelik maken of de kriminaliteit aafnump dore legaal teeltj.
Dit artikel besleit aad nuujs en maak deil oet van oos arsjief van nuujsberichte.