Laeken diek Bung gaar neet laek

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


'nen duker

MOFERT - 14 september 2021 - Bie 't hoeagwater in julie woorte deil van Maersjen en Bung evakkeweerd óm e gaat innen diek bie 't Julianaknaal. Achteraaf bliek det dao gaar gei gaat innen diek zoot, meh det water koom opgedrieven oet 'n aafwateringsbuus. Dit is nao veure kómmen oet 'n óngerzeuk euvere waterveiligheid nao aanleijing van 't hoeagwater.

Op vriedig 16 julie woort groeat alarm geslage dore veiligheidsregio van Zuud-Limbörg wie in 't Voelwames bie Bung water óngeranen diek van 't Julianaknaal ziebbeldje. Daoveur góng 't lóchalarm aaf en haet me doezjendje luuj ónmiddellik evakkeweerd. Me mèndje det d'n diek zwaor verzwaak waas en eder sekond kós bezwieke. In daen val zówwe hieël flot Bung, 't Voelwames, Brómmelen en Geul-Ónger óngerloupe. Me reep 't laeger en anger hulpdeensten op veur 't gaat mit zandjzek toe te make. De morge d'rop waas d'n toestandj trögk veilig.

De kónkluuzje van 't nuuj óngerzeuk is det dao gaar gènnen diek laek waas, meh det 't water oete Geul door 'nen duker ónger 't knaal nao d'n angere kantj stroumdje. 't Oetinj van daen duker laag ónger 't mejveldj en waas door 't gemuurd water oete Geul ónzichbaar wore. De buus waas óndokumenteerd en stóng onneet op kaarte, wodoor me verkieërd aannoom det 't zich óm 'n laekaasj hanjeldje. Ouch bliek oet 't óngerzeuk det nag mieë vals leep. Zoea waas 'nen helikopter mit 'nen infraroeadkamera opgerope veuren diek te bevorsje, meh de beeldjer die inkome wore normaal beeldjer. Boetedet maakdje me gèn foto's van deiler vannen diek wodoor inwoonders langer höbbe mótte wachten ieër zie trögk móchte nao häör hoezer.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.