Lèste woonwages mótten ouch eweg van 't Elfemaer

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 17 dieëtsember 2020 - De lèste zès jaorkaartheljers die nag oppen aafgebraoke kemping 't Elfemaer in Hirkebósj zeen mótte zörge det zie ieër 't 1 mieërt is eweg zeen bliek oet 'n rechszaak die de eigenieër zelf opgezatj hawwe.

De zaak kwaam naodet de gemèndje Roerdalen ieëre dit jaor de huur opzag. 't Fekansjepark waas in verval gekómme wonao de gemèndje 't in 2018 euvernoom vannen destiedsen eigenieër Oostappen Groep. De gemèndje vónj doe 'ne nujen oetbater, 't Frans bedrief Huttopia. Die gaon noe de kemping verboewe, mer allein oppe veurwaerd det de ganse gróndj laeg steit.

De luuj die de zaak aangespannen hawwe wólle det zie 'n vergeujing krege veure investeringe die zie ane woonwages gemaak hawwen innen tied det de gemèndje Roerdale d'n eigenieër is van 't park, meh dao höbbe zie gei rech aldusse richter. De zès standjheljers höbbe noe nag ruum twieë maondj d'n tied gekrege veur op eige köste de woonwages aaf te braeke. Doon zie det neet mótte zie 'n dwangsom van 500 euro d'n daag betale.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.