Krankewage veurt taenge sjildj en kump inne graaf oet
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 18 september 2021 - Inne nach van vriedig op zaoterdig is oppe A2 bie Wieërt 'ne krankewage taenge de bewaegwiezering aangevare, worop t'r toet stilstandj koom inne graaf. Op 't moment van 't óngelök laag geine kranken of verletsdjen inne wage.
De krankewage waas ródnj 3:00 oere óngerwaeges nao 't zujen oppe A2 naodet t'r opgerope waas veur 'n meljing. De wage koom dao inne slip, voor taengen e sjildj mit bewaegwiezering en koom elès oppe ziejkantj inne graaf toet stilstandj.
De twieë men die es persenieël inne krankewage zote kome mitte sjrik vrie. Veur kóntrol woorte die euvergebrach nao 't krankegestich. De krankewage zelf haet hieël väöl sjaaj opgeloupen en mós aafgeslèp waere. Door 't óngelök waas 'n vaarbaan oppe A2 veur 'nen tied toe.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.