Koupmans kump boere tegemoot en zwaak stikstófbeleid aaf

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 16 oktoeaber 2019 - Nao aanleijing van 't boereprotes wobie 400 dimmenstrantje dao wore bie 't goevernemènt in Mestreech d'n aafgeloupen dinsdig haet Ger Koupmans (Koopmans) gezwich. Anen ènj vanne dimmenstraasje maakdje d'r bekandj det de pervinsje 't stikstófbeleid gooddeils aanhiltj, meh det me good geit kieke nao de haadbaar vergónninge, zodet me die toch kan verlieëne. Hiemit wiltj t'r sterke boerebedriever in standj hajen enne kwaliteit van Natura 2000-gebiede versterke.

't Optraeje van Koupmans haet gelèdj toet faorse kritiek vanne Partie veure Bieëster: "In Greuninge móste de boere de deure van 't pervinsjehoes aoptraeje, meh verzaakdje de Staote te wieke veur intimidaasje. In Limbörg waere zie mit kóffe, flaaj en toezègkingen euverlaje," waas de vergelieking die de fraksjeveurzitter Pascale Plusquin maakdje.

De Partie veure Bieëster steit perpleks vanne groeate toezègkinge die Koupmans haet gemaak, sónger euverlag mit 't Limbörgs Parlemènt en 't kómmendj interprovinsjaal euverlag. Koupmans haet hiebie dudelik de kantj vanne boere gekaoze, mit naam door zien kritische, lieëgtunkendje hajing t'n opzich van 't lenjelik stikstófbeleid. Ouch haet 't kritiek det juus Koupmans 't waord veurdje, dewiel dippeteerdje Hubert Mackus dit óngerwerp zów mótte behanjele.

Brón[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.