Kleierwinkel Outlet Remunj euvervalle
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 29 junie 2022 - Deesdigtenaovendj is 'ne gewäöpendjen euverval oetgeveurd op 'ne kleierwinkel in 't Designer Outlet in Remunj. Róndj 21:00 oere krege de pliessen 'n meljing det 'ne manskaerel en e vrouwmis de zaak euvervele.
Wie de twieë häöre misdaod dieëje waas nag ein mitwirkerse dao in 't gesjef. Zie is ónverlets gebleve. Mit 'n ónbekandj geldjbedraag wóste de euvervallers eweg te kómmen op 'ne skoeter. Zie voren inne richting vanne Roerkade. De manskaerel zów 'n leechter hoedskluuer höbben en zoeaget dertig jaor aad zeen. Hae haw 'n oraansig petsjken op, 'ne zwarte jas van 't mirk Armani aan en leep op zwarte sjoon mit 'ne witte zaol. 't Vrouwmis waas duustergekluuerd, haw roeadgevèrf haor en haw 'n zwarte patsj op en 'ne blawwe jas aan.
De pliesse zeuke nag veur getuge. Ouch vraoge zie det luuj rillevante camerabeeldjer deile mit häör.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.