Kis Keuningin Elizabeth II biegezat in Windsor

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Processie mit de kis van Keuningin Elizabeth II
Dit artikel is gesjreve in 't AGL.

In 'n plechtige vering in Westminster Abbey woort aafgeloupe maondig aafsjeid genómme van Keuningin Elizabeth II. Bie de aafsjeidsdeens waore 2.200 gaste aanwaezig, ónger waem óngevier 500 sjtaatshoofde. Keuning Willem-Alexander, Keuningin Máxima en Prinses Beatrix bevónje zich ónger de hoeggeplaatsde gaste. Ouch delegaties van 't Gemeinebes, d'n Amerikaanse prizzedent Joe Biden en first lady Jill waore daobie, zowie ouch d'n Duutsje prizzedent Frank-Walter Steinmeier, de Japanse keizer Naruhito en keizerin Masako en veurzitter vanne Europese Commissie Ursula von der Leyen. Neet oetgenuuedig waore de Róssische prizzedent Vladimir Poetin, de Wit-Róssische prizzedent Aleksandr Loekasjenko en de leijers van Myanmar, Afghanistan, Syrië en Venezuela.

Nao de vering woort de kis door 142 matroeze vanne Ingelse marine veuroetgetrókke bis Wellington Arch, in Hyde Park. Dao woort de gehiemelde Keuningin vervolges in 'ne liekwage gelaje en nao häör lètste rösplaats gebrach in Windsor. Keuning Sjarel III en de Britse Keuninklike familie höbbe dao tiedes 'n besjlaote ceremonie in King George VI Memorial Chapel aafsjeid genómme van Elizabeth II. De Keuningin is daonao biegezat gewaore inne crypte, woe ouch häör ajers, häör zös Margaret en häöre man Philip ligke.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.