Naar inhoud springen

Kis Benedictus XVI biegezat inne crypte vanne Sint-Pietersbasiliek

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

De kis vanne veurmalige paus bie de aafsjeidsvering op 't Sint-Pietersplein
Dit artikel is gesjreve in 't AGL.

In 'n plechtige eucharistievering op 't Sint-Pietersplein in Vaticaansjtad woort aafgeloupe dónderdig aafsjeid genómme vanne veurmalige paus Benedictus XVI, ouch bekindj es Joseph Aloisius Ratzinger. Paus Franciscus haet de requiemmis geleid. De vering woort biegewoend door zó'n 50.000 luuj, woe-ónger kardinale, bisjoppe en preesters, anger christelike en neet-christelike geistelike oete ganse welt zoewie ouch officieel delegaties oet Italië en Duutsjlandj, woe de gehiemelde vandaan kump. D'n Belzje keuning Filip, zin vrouw keuningin Mathilde en aartsbissjop Eijk van 't aartsbisdóm Utrech bevónje zich ónger de hoeggeplaatsde gaste.

Benedictus is veurige waek zaoterdig op silvesterdaag op 95-jäörige laeftied euverleje. Drie daag lank loog hae opgebaard inne Sint-Pietersbasiliek, woe óngevier 200.000 geluivige aafsjeid van höm höbbe genómme, väöl mie luuj es oersjpronkelik woort verwach.

't Is euveriges ouch d'n ierste kier det 'ne laevende paus 't hiemele van zinne veurgenger mitmaak en 'n requiemmis leid.

Benedictus trooj al in 2013 aaf vanwaege zinne gezóndjheidstoesjtand. Hae woort in det jaor opgevolg door paus Franciscus en laefde tot zinnen doed in kloester Mater Ecclesiae inne Vaticaanse häöf.

Brónne

[bewirk | brón bewèrke]


Dit artikel besleit aad nuujs en maak deil oet van oos arsjief van nuujsberichte.

Aafkómstig van "https://li.wikinews.org/w/index.php?title=Kis_Benedictus_XVI_biegezat_inne_crypte_vanne_Sint-Pietersbasiliek&oldid=23831"