Kirkräödsjen Afghaan zitj vas veur kriegsmisdriever
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 16 november 2019 - Stinsdigs höbbe de pliessen in Kirkraoj 'ne manskaerel van drieënseventig jaor aad aangehaje. Hae wuuert verdach van kriegsmisdriever die d'r dinkelik inne jaore tachtentig haet geplieëg in Afghanistan. In daen tied waas hae kómmendant en pliessenhouf in 't gevang Poel-e-Tsjarchie in Kaboel.
Vörsjers höbbe zich veur jaoren euvere zaak gebaoge, wobie zie tieëntaal aan getugen in versjillige lenjer höbbe mótten huuere. Inne gevang zów 'n hieël ónmiensjelik bewindj höbbe gezaeten enne verdachdje waas hiebie betróch. Op groeate sjaol zówwe kriegsmisdriever zich höbbe veurgedaon, wie 't ónrechmaesig vashaje van luuj, wobie zie woorte geslage, gemarteldj en zelfs executeerdj.
De verdachdjen is in 2001 in Nederlandj es vlöchteling aangekómme. Wersjienlik haw d'r zich toe ónger 'ne valsje naam laoten insjrieve. Zelfs haet t'r nag de Nederlandjse nasjenaliteit gekrege.
De richter-kómmesaer vannen Haagse rechbank haet 'm veur twieë waeken in bewaring gestaldj.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.