Kinjer die Limbörgs kalle baeter in spèlling

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 16 mieërt 2018 - Kinjer die zowaal Limbörgs es Nederlandjs kalle, zeen baeter in Nederlandjse spèlling es kinjer die allein mit 't Nederlandjs opgreuje. De laesvaerdigheid is bie bei gruup aeve good.

Det bliek oet twieë óngerzeuke van studentin spraokweitensjappe Romy Roumans oet Gäöl die zie veur 't Meertens Instituut enne Radboud Universiteit haet oetgeveurdj.

Aanleijing veure óngerzeuke ware väöl-gehuuerdje veuroeardeiler van eljers veur häör kinjer neet groeat te bringen in 't dialek of de streekspraok. Veurbiljer daovaan zeen stèllinge wie "kinjer mit e Limbörgs accent lieke dóm", "kinjer lieëre neet zo good Nederlandjs te kallen en te sjrieve" of "'t is baetert veur häöre Nederlandjse waordsjat es kinjer waere groeatgebrach in 't Nederlandjs".

De raod van Roumans is denouch dien kinjer veural groeat te bringen in 't Limbörgs es det de spraok is wo se zelf mit bös opgegreudj en es se dich dao-in 't bèste kans oetdrökke.