Kindj besjmet mit coronavirus: Limburgse vader mit gezin in karretaen
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
'ne Limburgse vader zit mit zien gezin in karretain in 't Pruse dörp Langbrook noe bliek det zien kindj is besjmet geraak mit 't coronavirus.
D'n driejäörige zoon, dae graad wie zien moder de Pruse nasjonaliteit haet, zit op 't kinjerdaagverblief in Breibere. "V'r mótte de situatie zelf inne gate haje" zoe zaet de vader taege ómroop L1.
Op det kinjerdaagverblief höbbe veer kinjer en nege begeleijers 't virus opgeloupe. De vrouw van 't echpaar oet Langbrook, van waem väörige week bleek det zie besjmet zien, werk dao. Veur zoewied bekindj kump gein van de besjmette persoene oet Limburg.
De Limburger zit veuresnog bis 9 miert in thoeskarretaen en maag, net wie zien vrouw, bie de peuters blieve. Naeve zien echgenoate en 't besjmette kindj verblief ouch e kindj oet Aoke tot daen daag in häör woening. Det kindj veerde vastelaovend in Langbrook en raakde ouch besjmet mit 't virus.
De veer mage veurluipig häör hoes neet oet. De man legk oet det det 't gezin de nuuedige hindernisse bezörg. Zoe mótte anger luuj boedsjappe veur 't gezin doon.
Waarsjienlik blieke de Limburger en zien vrouw binne kórten tied ouch besjmet mit 't virus. "Die kans is hiel groet. Mer de kins dien driejäörig kindj neet ewegzette en neet in dien buurt late kómme." Veuresnog höbbe de ajers nog gein griepversjiensele. "Mer v'r mótte 't zelf inne gate haje. Bie griepversjiensele gaon v'r op controle in Gangelt."
Meugelik weurt dan ouch bie de ajers 't coronavirus vasgesjteld. De vader maak zich nog wienig zörg. "'t Liekent mier op 'n gewoen griep es get angers. V'r zitte qua aafweer good in ós vel."
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.