Keuning in Mestreech: ''Prachteg oontvangs''
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MESTREECH - Keuning Willem-Alexander is aongekome in Mestreech veur ziene verjaordaag te vere. "Eindelek, prachteg weer en e prachteg oontvangs."
"Höb geer de zon geregeld?", vreug 't keuningspaar aon de verslaaggever vaan L1. "Perfek!"
De keuninkleke familie is blij tot ze weer 'ne awwerwètse Keuningsdaag in Mestreech mage vere. Prins Maurits, "Geweldeg, nao twie jaor. V'r höbbe 't gemis. V'r goon mèt ope verwachtinge de stad en daan kint 't allein mer nog sjoener weure."
Ouch Prins Bernhard junior en zien vrouw Prinses Annette zien blij in de provinciehoofstad te zien. "V'r hope op 'nen hoop gezèllegheid en leef lui. V'r laote oos geer verrasse. Aanderhave week geleie waore v'r al hei veur eve vaan de umgeving te genete."
De Keuning weurt bij aankoms in Mestreech goonsdag door 't publiek gefeliciteerd door middel vaan 'nen boks. "Dat is mekkeleker," beslut de Keuning naotot heer e aontal lui iers 'n hand heet gegeve.
De familieleie van de Keuning, dee goonsdag ziene 55e verjaordaag veert, neme foto's en sjödde ziech de hen mèt 't publiek. Ouch weurt de Keuning mierder kiere touwgezoonge.
Bij aankoms woort de jaorege Willem-Alexander touwgesproke door de Mestreechter börgemeisterin Annemarie Penn-te Strake, die häöm alleriers proficiat winsde mèt ziene verjaordaag. Wie 't getal '55' veel, begós de Keuning einigszins oongemekkelek te lache. "'t Is neet leuk", beaamde de 68-jaorege Penn-te Strake lachentere.
't Program begós um 11 oor mèt 'n wandeling euver de Aw Brögk en door de binnestad, um percies te zie via 't Slevrouweplein, boe heer woort opgewach door André Rieu en 't Johann Strauss Orkes. 't Doel waor de Vriethof. Dao waor e concert georganiseerd, boe oonder mie Rowwen Hèze optrejde.
Veurtot de Keuning aofsjeid naom vaan Mestreech, bedankde de vors de stad, de börgemeisterin en de gouvernäör vaan de provincie Limbörg, Emile Roemer, vaanaof 't hoofpodium op de Vriethof. Heer neumde 't bezeuk 'nen oonvergeteleken daag.
Brónne[bewirk | brón bewèrke]
- Website euver Keuningsdaag in Mestreech 2022
- Koning eert Maastricht: 'Leef Maastricht, Maastricht leeft'. Janna Hoofs - 1limburg, 27 aprèl 2022
- Koning in Maastricht: 'Prachtig ontvangst'. Janna Hoofs & persbureau ANP - 1limburg, 27 aprèl 2022
- Sjoenkele bij André Rieu op Koningsdag. L1 - 27 aprèl 2022
Dit artikel besleit aad nuujs en maak deil oet van oos arsjief van nuujsberichte.