Kerbiedsjete verbaojen in gans Zuud-Limbörg

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


(lagerfoto)

MOFERT - 1 dieëtsember 2020 - De bórgemeister van Vaols, Harry Leunessen, haet in 'n kemisjevergadering 't nuuts oetgebrach det in gans Zuud-Limbörg e verbód kump op 't kerbiedsjete róndj de jaorwèsseling.

Dit verbód kump in naovolging van 't lenjelik vuurwerkverbód det ingestaldj is veur aad-op-nuuj. 't Verbód op vuurwerk haet daoveur gezörg det väöl luuj zeen oetgeweke nao kerbied, waat neet ónger 't lenjelik verbód vèltj. De pliessevakbunj en boa's höbben aevel sjrump det mit naam väöl ónervare jóngere kerbied gaon sjete waat hieël gevieërlik is. In Limbörg is 't kerbiedsjeten oppe meiste plaatse gèn terdiesje; dees kinnis oet ervaring is aevel van noeadzaak, went 't sjete van kerbied haet zien reskaasjes.

Recèntelik haet me bie 't lenjelik Veiligheidseuverlègk det besteit oete veurzitters vanne viefentwintjig Nederlandjse veiligheidsregio's aafgemaak det me gei lenjelik verbód op 't sjete van kerbied geit make, meh det de bórgemeisters vanne eige gemèndje det zelf kónne bestumme. In Zuud-Limbörg hèltj det in det 't euveral verbaoje wuuert veur te veurkómme det jóngeren oetwieke nao aanpaolendje gemèndjes wo gei verbód hieërsj, 't zoea-geneumdje waterbèdeffek.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.