Kandidaot-raodslid: "Ollongren anen hoogste boum hange"

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 21 fibberwarie 2018 - E kandidaot-gemèndjeraodslid oet Mestreech haet de minister van Binnelandjse Zake, Kajsa Ollongren, bedreig op Facebook.

't Berich is intösse van Facebook gewösj wore.

Kandidaot-raodslid Paul Berbe vanne partie Veilig Mestreech sjreef det Ollongreen "waat mich betröf ... anen hoogste boum [móch] hange" bie 'n artikel euvere aafsjaffing vanne rifferendumwèt. In 'n reaksje leet Berbe weite det zie berich neet bedreigendj is gemèndj. "Ich mein daomit det ze oet zien funksje mót waere gezatj", zaet t'r. "Ich mein 't neet-dreigendj. Ich zègk neet det ze noe mót waeren opgehaoldj en opgeknuip mót waere."

Berbe steit bieje gemèndjeraodsverkezigingen in mieërt es neugendje oppe kandidaotelies veur Veilig Mestreech.

Fraksjeveurzitter Tiny Meese van Veilig Mestreech zaet gesjróch te zeen van 't berich. "Hae hej dit neet mótte doon. V'r gaon e good gespraek aan mit 'm en gaon e biejeinkómmen haje d'reuver. Ich weit nanneet of t'r oppe lies kan blieve staon", aldus Meese.

Taengen ANP verklaortj Berbe zich wiejer: "'n Gewuuen Limbörgse oetdrökking die figuurlik is gemèndj wuuertj door Hollenjers litterlik genómme." Ouch aldus Meese is "emes anen hoogste boum hange" gewuuen e Limbörgs gezagdje.



Dit artikel besleit aad nuujs.