Kaercentraal Tihange blief langer aop
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 19 mieërt 2022 - De twieë kaercentraals op 't Belsj die in 2025 zówwe sloete blieve langer aop. Ómme krieg inne Oekraïne, wodoor 't alternatief aerdgaas duurder en ónzeker woren is, zólle die nag tieën jaor blieve loupe. Op 't Belsj kief m'n al langer euver 't sloete vanne centraals in Doel en Tihange, die allebei kort ane päöl staon. De greun pertieje wóste de sloeting te regele door tiejelik ekstra gaascentraals in te zitte, meh noe höbbe die anger pertieje zich bedach, wodoor ouch de greun pertiejen ómslaon.
De pertiejen inne regering höbbe noe aafgemaak det de luip vanne jóngste centraals verlingk wuuert toet 2035. In ruul daoveur kriege de greun pertiejen ei miljaar ekstra veuren euvergank op vernuujbaar innerzjie, womit det 'n óngekandje verflotting zów kriege. Waal kómme toch vervangendje gaascentraals veur te zekere det 't Belsj stroum blief haje. Gans zeker is aevel nanneet det de centraals wörkelik ouch langer aopblieve, went dao mót nag óngerhanjeldj waere mitten oetbater.
Wo ieëren in Europa nag breid gekaldj waerdje euver 't aafstappe van kaerinnerzjie, löp det noe op verzat. Lenjer wie Nederlandj en Frankriek plenne juus nuuj kaercentraals bie te boewe. Allein 't Pruses wiltj det nanneet.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.