Kabinèt hölp verkesboere mit oetsjeie

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 7 julie 2018 - Veuren euverlas vanne väöl taal aan verkesboeren in 't zujen en 't oeaste van Nederlandj taenge te gaon geit 't kabinèt boeren oetkoupe.

Verkesboere die waal door wille gaon kriegen hölp veur det op 'n duurzaam meneer te doon, sjrief ministerin Carola Schouten van Landjboew ane Twieëdje Kamer.

In Naord-Limbörg, deiler van Gelderlandj en in Twente zien namelik hieël väöl verkesboere. De Pieël in 't zuudoeaste van Naord-Braobantj guldj es de regio mitte hoogste vieëtoeheid van Europa. De naobers van al die boeren höbbe las vanne stank of waere zelfs krank van dinger wie de fienstaof dae dore vieëteelt inne lóch terechkump.

't Kabinèt besloot bie 't aantraeje daoveur 200 miljoen euro oet te trèkke veure verkesheljerie "werm te sanere". Daovan geit 120 miljoen nao de boere die willen oetsjeie. Veure collégé die d'n oetstoeat van hinjerlike of sjajelike stoffen oete stel wille taengegaon ligk 60 miljoen klaor. De sektor lègk veur det litste zelf ouch 400 miljoen bie. Daorop k;onne neet allein verkesheljers, mer ouch boere mit hoonder of geiten aanspraok make.

Mitte resterendje miljoene waere boeren oete sjöljen en nao 'n nuuj baan geholpe. Ouch is geldj dao veure herbestumming vanne gróndj en boerderiejen en veure sloop. Anges verrómmeltj 't plattelandj en kónne beveurbeildj drugscriminele zich mekkelik istele, vörch Schouten.

De minister haet euveren aanpak euverlag en aafspraoke gemaak mitte boere, anger betróchte wie vieëvoorfebrikantjen foekbedriever en mitte pervinsjes en gemèndje. Die staon "waalwillendj" daotaengeneuver, mer höbbe nag inkel winse. Zoea wille zie det de bedriever die de meisten euverlas veroearzaken ouch es ieëste in aanmirking kómme veure regeling. Ouch wille zie de gransje det de mèslemiet neet wuuertj aangesjerp, zoeadet boere weite wo ze de kómmendje jaor tied aan toe zeen.

Brón[bewirk | brón bewèrke]



Dit artikel besleit aad nuujs.