Kónzeltaasjebro's mótte plat gaon behertige
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 11 jannewarie 2020 - De Limbörgse kónzeltaasjebro's veur klein kinjer zóllen inne loup vannen tied 'ne breef kriege vanne gedippeteerdje Ger Koopmans (VCDA). In deze breef zal d'r de bro's oprope det zie de eljers d'rop mótte wieze det plat kalle good is veure óntwikkeling vanne kinjer. Allewiel meine väöl eljers det 't kindj slechter Hóllesj geit kalle wen me plat taengen 't kindj kaltj; meis wirk det juus averechs: 't kindj kaltj gei plat en onneet tegooj Hollesj. Ouch kalle väöl eljers waal plat taenge de kinjer, meh pakke de kinjer 't nimmieër op dore multimedia wo zie haer kieke, waat vriewaal exclusief Hollesj is.
Twieëspräökigheid is aevel e veurdeil inne óntwikkeling van 't spraokgeveul van e kindj bliek oet vörsjing. Ouch vergruuetj 't de waordesjat van 't kindj en vergruuetj 't de binjing mitte regio.
d'n Oproop ane kónzeltaasjebro's van Koopmans is e gevolg vannen oproop vanne partiegenaot en CDA-fraksjeveurzitterin Mariska Werrij. Inne staotekómmisje zag zie al det 't belank vanne Limbörgse spraok van kindj aaf aan d'rin mit mót waere gegaeve.
De behertiging van 't Limbörgs haet sjoean plats in peuterspeelzalen en ouch inne kinjeropvank, meh det is pas vanaafdet de kinjer twieë jaor aad zeen; veur daen laeftied is nag gaar gein stimulaasje veur 't plat te vinje. De bèste pilaer veur hie te rake zeen dan de kónzeltaasjebro's, wo de eljers op gespraek kómme. Hie kónne zie daorop waere geweze det plat kalle gein hinjernissen opwirp, meh juus good is veure óntwikkeling van 't kindj.
Veuropgestaldj blief aevel waal det 't min zin haet veur kinjer plat aan te lieëren es me zelf gaar gei plat kaltj. Vörsjing haet waal oetgeweze det 't egaal is of 't plat ajerwèts of moderner is. Ajerwèts plat vergruuetj 't spraokgeveul waal get baeter, mer ouch modern plat haet al 'nen aantuuenbaren invlood.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.