Kóntaenders mit verkieërd haofaafval blieve staon in Zuud-Limbörg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 25 april 2022 - Vanaaf maondig waeren in Zuud-Limbörg de aafvalbek ane straot nag baeter kónterleerd dore verwirker Rd4. 't Hanjeltj zich hie veural óm 't gft-aafval. Dao wuuert nanneet good zat al oeterein gehaoldj, wodoor dökker verkieërd aafval bie 't gft terechkump. Gemèndjes wo dit väöl veurkump zeen Broensem, Eisdje-Mergraote, Gulpe-Wittem, Haerle, Kirkraoj, Landjgraaf, Nöt, Óngerbenk, Zumpelveldj, Vaols en Voelender. De aafgekeurdje vrachköste is noe verdriedobbeldj óm 't verkieërd sortere.
Verkieërd sortere van 't gft zorg daoveur det de vrach aafgekeurd wuuert. Allen aafval van greunte, vröchten en oeten haof mótte dan es resaafval verwirk waere. Ouch dus de gft-aafval dae tegooj ingeleverd is, mót verbrandj waere. Dit haet es rizzeltaot det väöl kosbaar gróndjstóffe verlaore gaon.
Rd4 wiltj det noe gaon verangeren en kómme mit speciaal klóchte luuj die d'n inhaad vanne greun bek gaon kónterlere. Det gaon die doon mit speciaal scanners. Wen aafval inne greun kóntaender zitj dae dao neet in huuert, dan blief de betroffe kóntaender vol staon. M'n hingk dan e kaertjen ane bak ennen eigenieër mót zelf 't verkieërd gerei oete bak haole. De volgendje róndjgank kan de bak weer trögk ane straot. Verkieërdtraejers kriege gèn boesse.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.