Itteljaans doejetal door coronavirus sjtieg weer fors
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
't Doejetal door 't coronavirus in Italië is de aafgeloupe 24 oer mèt 474 gevalle gesjtege, taege 269 d'n daag daoveur.
Det meldt 't agentsjap veur börgerbesjerming. 't Is 't hoegste doejetal saer 21 april.
De toenaam van 't aantal sjlachoffers volg nao 'ne lange, geleidelik dalende trend en kump groetedeils door 't hoeg sjtörfdeciefer in Lombardieje, de hels getroffe regio van 't landj. In 't aafgeloupe etmal bezjweke dao 329 luuj taegeneuver 88 d'n daag daoveur.
Volges de gezèt La Repubblica is 't nuuj sjtörfdeciefer verteikenend, ómdet 282 sjtörfgevalle in april boete 't krankehoes vele en pas zaoterdig zien geregistreerd gewaore. 't Werkelik aantal zou volges de gezèt dus nog wiejer zien gedaald en veur 't iers saer 14 miert mèt 192 doeje ónger de twiehónderd ligke.
't Totaal aantal doeje saere oetbraak op 21 fibberwarie sjteit noe op 28.884. In 't Vereinig Keuninkriek gief 't noe get minder gehiemelde (28.446) en Sjpanje en Frankriek tèlle noe eder óngevier 25.000 doeje. Allein de Vereinigde Sjtaote tèlle mie sjlachoffers (mie es 68.000).
't Dageliks aantal besjmettinge in Italië bleef euver 't algemein sjtabiel mèt 1900 taege 1965 op vriedig en sjteit noe op 209.328, 't derde hoegste aantal oppe waelt nao de Vereinigde Sjtaote en Sjpanje.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.