Islamiste wóllen aanslaag plieëgen op festival
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 10 jannewarie 2019 - De islaamterroriste die anen ènj van september in e gehuurdj verkansjehuusken in Wieërt zeen opgepak gewaoren uigdje zich veur 'nen aanslaag te plieëgen op e festival. Ouch wólle ze örges 'n autobóm gaon plaatse. De plenning waas det zie mit kalasjnikovs, granaten en bómvester e festival góngen aanvallen en op 'n anger plaats de bóm lieëten ómploeffe. Wodet de bóm zów aafgaon is nanneet bekandj gewaore.
Zès luuj waere verdach van terrorisme; ze wóndjen in Arnheim, Rotterdam, Vlaardinge en Huissen. Veer vanne verdachdje zeen opgepak gewaoren in Wieërt. De men woorten al saer 2013 gevolg dore zjustiesje. Vanaaf detzelvendje jaor zeen de pliesse begós mit 't infiltrere vanne klóch.
Bewakingsbiljer van óngergrunjse pliessenagènte van in 't verkansjehuuske zeen oetgekómme. Hieroet bleek det de verdachdjen uubdje mit kalasjnikovs en uubdje wie ze zich de bómvester óm móste doon. Eine vanne men is te zeen wie d'r 'n automatisch gewaer kös en Allahu akbar sjrieëf.
De pliessemen dieëje zich veur es waopeverkuipers; zie leverdje de pistoeale, kalasjnikovs en bómvester ane terroriste. Waat die litste neet wóste waas det de waopes ónklaor wore gemaak enne bómvester gein explosieven in zich hawwe. Wie die euverdrach plaatshaw, woorte de veer men opgepak.
Brónne
[bewirk | brón bewèrke]- Oefenende terrorismeverdachten in Weert vastgelegd op videobeelden. De Limburger, 9 jannewarie 2019
- Terreurverdachten Weert hadden festival op oog. Frank Moonen & Arthur Hubers - 1limburg, 10 jannewarie 2019
Dit artikel besleit aad nuujs en maak deil oet van oos arsjief van nuujsberichte.