Internetbookhanjel bol.com wuuertj euvergenómme dórch Ahold

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Supermertkeite Ahold neump d'n internetsjóp bol.com euver en lègk dao 350 miljoen euro veur oppe taofel. Volges Ahold-toepman Dick Boer beudj 't häör e platform, de sjaol en de experties die ze nuuejig höbbe óm häöre greuj innen onlinedetailhanjel te kinne verrasje. Bol.com wuuertj 't viefdje sjópmirk van Ahold in Nederlandj, naeve Albert Heijn, Etos, Gall&Gall en albert.nl

Ahold verköp al online voormiddeler via albert.nl. De keite wil d'n onlineverkoup mitte euvernaam van bol.com oetbreie nao anger perdukter. Toepman Boer zag det de operationele krach in "non-food" van bol.com zal leie toet 'n aanzeenlike oetbreiïng van häören online aanwaezigheid, naeve 't bestäöndj aanbód van albert.nl.

Internetsjóp bol.com behaoldje in 2011 'nen ómzatj van 355 miljoen euro. 't Internetbedrief verköp behawve beuk, meziek en filme ouch lektroniek en speelgood. Direktäör Daniel Ropers dink dórche euvernaam wiejer te greuje, zónger de eige identiteit te verlere. Hae is enthousias euver dees combinaasje, die nuuj veurdeil zal gaon beje veure klanj, dewiel d'n eige stiel gehandjhaaf blief. De sjóp woor toet aan noe in hebj vanne investeringsbedriever NPM Capital en Cyrte Investments, van mediaóngernömmer, John de Mol.



Dit artikel besleit aad nuujs en maak deil oet van oos arsjief van nuujsberichte.