Ieëwenaad kruuts Remunj rinneveerd
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 2 oktoeaber 2021 - Evriedig zeen planne prizzenteerd van 'n internasjenaal klóch die 'n ieëwenaad kruuts inne Remunjse kattedraol oppe plaats gaon rinnevere. 't Hanjeltj zich óm 't èns Dalheimer kruuts det oete begin vanne veertieëndje ieëw kump en betrach wuuert es ein vanne aadste kónssjatten oete streek. 't Is 'n houtere kruuts det verneump is nao 't Cisterciënzerinnekloeaster van Dalem, e dörpke dun euvere päöl bie Vloearep.
De verhaole zègke det 't kloeaster róndj 't jaor 1800 serjeus bedreig woort, worop de zöster häör sjatten in veiligheid verzóchte te bringe. Daobie woort 't kruuts gelajen op 'n ker mit e blindj paerd daoveur; det bieësjke zag hou veuren ingank vanne kattedraol in Remunj.
't Kruuts mót dringendj rinneveerd waeren óm dao is duchtig sjaaj óntstangen ane laogen aan vèrf. 't Kruuts wuuert vanaaf 't veurjaor in 2022 oppe plaats rinneveerd. Zoea kan 't vouk de wirkzaamheje kortop volge. Nao de rinnevaasje wuuert 't kruuts verzatj nao 'n anger plaats inne kattedraol.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.