Ieëwenaad altjaor kirk Norbik geit op in brandj

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De kirk van Norbik.

MOFERT - 4 fibberwarie 2021 - Goonsdigtemorgen is 'ne brandj oetgebraoken inne Sint-Brigidakirk in Norbik. Hiebie is 'n ieëwenaad altjaor verlaore gegange. De brandj zów zeen óntstangen inne sakkerstie vanne kirk.

't Liek d'rop det 't geboew zelf de brandj doorstangen haet. De aadste deil vanne kirk zeen róndj de doezjend jaor aad, mer 't euverdeil van 't geboew stamp oete dertieëndje ieëw, mit 'n verboew inne zèstieëndje ieëw. De prónten ómvank vanne sjaaj mót nag betrach waere. Kort naodet m'n 't brandjmeistersteike gegaeven haw woort dudelik det 't ieëwenaad altjaor nimmieë te redde woor.

De hits van 't vuur mót oetzunjerlik hoeag gewaes zeen. Dermaote det nag waal deil van 't orgel gesmóltje zeen, dewiel det anen angere kantj vanne kirk steit es wo de brandj oetbrook. Wiejer haet de pestoear van zien prochie gezeen det 't väöl rootsjaaj haet.

Wie de brandj óntstangen is blief nag óndudelik. Gelangentied is get blieve snirke bie 't altjaor bliek oet óngerzeuk vanne brandjwaer. Dao wore gèn inbraakspäör. Hiedoor haet de pestoear brandjstifting oetgeslaote.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.