Ieëste hèrfsversjiensele dore hèts

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 25 augustus 2022 - Mitte hittegolf en temperature die stendig baove de 30 graod blieve begintj de netuur 't verwaer in 't gaon. De ieëste teikes vanne hèrfs kómme lansaamaan nao veur. Zoea sjödde de buim zich eikelkes aaf en beginnen ol blajer te valle. Det 'ne maondj ieëre wie gemeinelik. De vallendje blajer en eikelkes zeen versjroempeldj en broen. De buim laote die vallen ómme mankaasjen aan water; zoea kónne die zich besjerme taenge de druuegdje.

Neet allein de eike waere getroffe. Ouch beuken en anger boumsaorte waere getroffen en laoten häör blajer valle. De druuegdje enne hèts zeen rampzieëlig veure netuur, meh me kan noe nanneet zègke wie groeat de sjaaj op 't lès zal waere. Det maak normaal nieks oet wen 'ne boum èns versjroempeldj, meh det kan neet te dök gebeure.

Wiewaal 't liek ofwen de hèrfs intruuedj, ligk d'n toestandj toch get anges. Veur anger saorte wie zwem blief de zomer ware. Zwem höbbe naetsigheid nuuedig veur op te kómme. Wen 't zoea druueg blief, kómme dezen hèrfs dus neet väöl zwem oet.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.