IS-leijer Abu Bakr al-Baghdadi pleeg zelfmaord tiedes geheim operatie Amerikaanse militaire

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL

27 oktober - Amerikaans presidentj Donald Trump meldt det IS-leijer Abu Bakr al-Baghdadi tiedes 'n geheim operatie van Amerikaanse militaire inne Syrische provincie Idlib óm 't laeve is gekómme. De operatie waor specifiek gerich op de leijer vanne terroristische gróp. In de aafgeloupe twie jaore is IS-leijer Abu Bakr al-Baghdadi al mierder kiere doedverklaord gewaore, ó.a. door Róslandj, Syrië en de Syrische oppositie. Al die kiere zjweeg IS euver zinne meugeliken doed, mer noe zou zinnen doed zikker zeen. Twie van zeen vrouwe höbbe zich ouch opgeblaoze en drie kinger zeen bie 't incident doedgebleve.

D'n terreurleijer zouw veur 't lets zeen versjene in juni 2014, wie hae in 't Iraakse Mosoel 't kalifaat oetreep. Inne Groete Moskee van al-Nouri presenteerde hae zichzelf es d'n opvolger vanne profeet Mohammed. In 't filmke, det 21 minute doerde en de ganse waereld euvergóng, reep hae alle moslims op óm um te volge es leijer vannen islam. Daonao toende hae zich koum mier in 't aopebaar. Aafgezeen van 't feit det hae in 1971 in Samarra, Irak, waor gebaore, is wienig euver um bekind. Tiedes d'n inval van Irak in 2003 zouw hae es geistelike door de Amerikane opgepak zeen gewaore. Volges sommige waor hae op det moment allank jihadis, mer volges anger luuj zouw hae iers in Camp Bucca, 'n Amerikaans detentiekamp in Zuud-Irak, zeen geradicaliseerd. Hie zote ouch commandante van Al-Qaeda gevange.

Waereldleijers höbbe wisselend gereageerd op d'n doed van Abu Bakr al-Baghdadi. Zoe waarsjuwt d'n Britse minister-presidentj Boris Johnson det de leijer vanne terreurgróp weliswoer is oetgesjakeld gewaore, mer det de sjtried nog gaar neet is aafgeloupe.


Brónne[bewirk | brón bewèrke]




Dit artikel besleit nuujs det zich recèntjelik haet aafgespeeldj.