ING krig rekaorhoeg bote nao aanleijing van witwesje
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
5 september 2018 - De Nederlandjse bank ING haet 'n rekaorhoeg bote opgelag gekrege: 675 miljoen euro, plus 100 miljoen euro die ING volges 't Aopebaar Ministerie haet besjpaard door t'n ónrech te bezunige op perseniel det intern toezich hee. 't Totaalbedraag van 775 miljoen euro is tót sjtandj gekómme nao 'n sjikking mit 't OM, en is de duurste sjikking die oets mit de Nederlandjse justitie is getroffe gewaore. De bote zal waere betaald oet de wins van de ING euver 't derde kwartaal van dit jaor.
De raej veur de hoeg bote is det ING nieks of väöls te weinig haet gedaon veur in totaal veer groete witwesjsjandale, die plaatsvónje in de periode 2010-2016 en verlepe via raekeninge van klantje bie de ING, te verkómme. In totaal geit 't hiejbiej euver hóngerde miljoen euro's die zeen witgewesje gewaore. Eint van de gevalle betröf 't Naord-Róssisch telecombedrief VimelCom (noe Veon), det veur miljoene aan sjtaekpenninge verkoch aan Gulnara Karimova, de dochter van d'n destiedse prizzendènt van Oezbekistan, Islom Karimova. Dit bleek via raekeninge biej de ING te zeen gebäörd. De anger drie gevalle betreffe 'n einmansbedrief in Suriname, 'ne (neet ech besjtaonde) lingeriezaak op Curaçao en twie bedriever mit dezelfde eigenaer dae oetsjloetend op pepeer greunte en fruit oet Zuud-Amerika deej importeerde.
Justitie kóngkledeert det de ING veur wat betröf 't toezich hawwe graof naolaotig is gewaes en 't make van wins haet laote prevalere baove 't naolaeve van de regels. ING-tópman Ralph Hamers erkènt det ziene bank de zake in de betreffende periode neet op orde had, woedoor dènger fout kóste gaon. Mit name de kómmunikasie tösje de aafdeilinge business en compliance vertuinde gebraeke, aldus Hamers.
Brónne[bewirk | brón bewèrke]
- ING schikt voor honderden miljoenen wegens faciliteren witwassen. NOS Nieuws, 4 september 2018
- Presidentsdochter en lingeriewinkel konden zo witwassen bij ING. Leen Kraniotis - NOS Nieuws, 4 september 2018
- Hoogste boete ooit voor ING: winst bank ging boven controle op witwassen. Koen Haegens - de Volkskrant, 4 september 2018
- ING negeerde allerlei signalen over verdachte transacties. Tom Kreling - de Volkskrant, 4 september 2018
- EY vervolgd in zaak rond omkoping bij VimpelCom. Hanneke Chin-A-Fo en Joep Dohme - NRC Handelsblad, 4 september 2018
- De miljoenen gaan naar de dochter van de president. Hanneke Chin-A-Fo en Joep Dohme - NRC Handelsblad, 24 april 2015
Dit artikel besleit aad nuujs en maak deil oet van oos arsjief van nuujsberichte.