Hoonderboeren eisje vergeujing nao sjaaj fipronil
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 15 april 2019 - De hoonderboeren in Limbörg gaon same mitte Landj- en TuinboewOrganizaasje dizdaags de euverheid aanspräökelik stèlle veure geleje sjaaj vanne fipronilzaak in 2017. De boeren haje vas det zie neet wóste det zie 't verbaoje middel fipronil hawwe gebroek veure hinne vanne bloodloes aaf te laote kómme. De raeje waat zie daobie aanveuren is det zie neet wóste det 't bedrief Chickfriend ónwèttelik 't vergif haw gemink mit bestriejingsmiddel. In eier haet me det vergif later aangetróffe. Al in november 2016 haw 't aevel kónkrieëte aanwiezinge det bie det bedrief groeatsjäölig fipronil woort gebroek, meh de euverheid greep toe neet in.
Vanne 363 hoonderbedriever in Nederlandj tróf me de besmetting aan in ruum 800 stel, worónger bie zeve hoonderbedriever in Limbörg. De boere zaten in Kelpen-Oler, Leivere, Heitse, d'Oospel, Hunsel en twieë in IJselstein. 't Gebroek van fipronil rizzelteerdje in 'n rume van 3,5 miljoen hinne, de verinnewering van eier en 't veur maondj lang toegoeaje van stel.
Wen de NVWA tegooj toezich haw gehajen en oppertied haw ingegrepe, waas de sjaaj veure boeren oetgebleve. Gans biejein sjatj me de sjaaj veure boere noe op zoea 50 miljoen euro.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.