Hoes ingestortj in Vinlo

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 24 jannewarie 2018 - Inne binnestad van Vinlo is 'n hoes gans ingestortj. Det passeerdje stinsdig óm middig róndj 16:00 oere.

't Hoes ligk ane Bergstraot. Hölpdeenste rókdje drek massaal oet en begósten 'n zeukaksje nao eventueel slechoffers.

Róndj 17:00 oere woort dudelik det geine mieër in 't pandj waas toe 't instordje. E vrouwmis waas kórt daoveur nao boete gekómme.

Ouch de naeveligkendje weunig is besjajig geraak, zoea melje de pliesse. Ómligkendje penj zeen óntruump gewaoren enne wiej ómgaeving is aafgezatj; ouch ómdet 't risico guuef veur gaaslaeke.

Aldusse euvernaobervrouw van 't ingestordje pandj klónk inèns 'n haevig kebeel. "Ich zaat inne woonkamer anen tillefoon en huuerdje 'n enorm kabaal", zag de vrouw. "Ich keek nao boeten en doe koom 't ganse hoes nao ónger."

De weuning die is ingestordj sting middeninne wiek Q4. Veur ruum tieën jaor trögk begós de gemèndje Vinlo mitte destiedse perbleemwiek op te knappe toet 'n "kónstenieërswiek".

Versjillige penj woorte gesloop, meh dore groeate perbleme binnen 't perjek bleef 'n nuuj invölling vanne braakligkendje grunj döks oet. De perbleme binnen 't Q4-perjek woorten ouch politiek 'n heikelpuntj in Vinlo.

De weuning die sgoonsdigs instordje waas ei vanne penj ane Bergstraot die neet dore slopershammer wore getroffe. Waal zeen penj d'rnaeven aafgebraoke gewaore.