Hoeger beroop in zaak Nicky Verstappen begintj

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel is gesjreve in 't AGL.

Inne zaak Nicky Verstappen kump de óntknuiping kórterbie. Goonsdigs begintj 't hoeger beroop taege verdachte Jos Brech.

Brech kreeg ierder 12,5 jaor gevangenissjtraof opgelag dore rechbank in Mestreech veur óntveuring, misbroek en d'n doed van Nicky.

't Gerechshof in Den Bosch haet vief daag oetgetrokke veure de behanjeling vanne zaak. Oppen iersten daag weurt 't dossier en d'n eis vanne naobesjtaonde besjpraoke en geuf 't ruumde veur 't sjpraekrech vanne femilie Verstappen. Daovan haet Nicky zinne pap tiedes de zitting gebroek gemaak.

Ierder maakde advekaote Wendy van Egmond vanne femilie Verstappen bekèndj hie dinkelik van aaf te zeen, wat te make haet mit de heftige periode die ze achter de rök höbbe. Daomit meint Van Egmond 't euverlieje van vertroewespersoen Peter R. de Vries.

Tiedes 't hoeger beroop zal väöl aafhange van wie de nuuj rechters taegen 't ómvangriek dossier aankieke en of Brech nuuj infermasie oete deuk deit. Ouch is innen tössentied de verklaoring van medegedetineerde Bekir E. biegekómme, woevan de waerd tiedes de oetsjpraok mót blieke. De twie zote 'n haaf jaor op dezelfde aafdeiling in Vught. Bekir E. zaet det Brech taegeneuver höm 'n bekènnende verklaoring aaflag.

Tiedes de zitting bleef de vieftiger oet Zumpelveld bie zeen verhaol det Nicky al euverleje waar wie hae 'm dao vónj. Hae zól 't lief höbbe aangeraak en ónger anger zeen kleijing höbbe gefatsoeneerd.

De sjtraofeis weurt op 15 november verwach. 't Is nog neet dutelik wienie daonao de oetsjpraok volg.

Brónne

Dit artikel besleit aad nuujs en maak deil oet van oos arsjief van nuujsberichte.