Hónjsbelasting blief gehandjhaaf in gemèndje Limbörg

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 17 mieërt 2021 - Vanne Limbörgse gemèndje wo nag hónjsbelasting is wuuert in gein daovan die aafgesjaf. Dao zeen nag 25 gemèndje die belasting tèlle veur 't haje van 'nen hóndj. De duurtste gemèndje dao-in zeen Mestreech, Zitterd-Gelaen en Stein, wo m'n oppe hóngerd euro mót betale veure veerveuter. Daotaenge vraoge de gemèndje Baekdaal, Baerge, Gulpe-Wittem, Haors-ane-Maas, Pieël en Maas en Vinraoj zich gaar nieks.

In Vinlo is 't bedraag veuren hóndj duchtig gezag van róndj de 85 euro nao de róndj 75 euro. In Maersjen en in Eisdje-Mergraoten haet me de pries juus opgeveurdj. Inne anger gemèndje die zich hónjsbelasting tèllen is de pries mer e klei bietje gesjoegkeldj.

Lenjelik is weer e deil gemèndje det de hónjsbelasting aafgesjaf haet. Noe haet 't nag 183 gemèndje die zich get tèlle veuren hóndj, waat aankump op oppe hèlf. Tieën jaor trögk waas det nag ruum 70 perzent.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.