Hèlf luuj werreldwied verluus inkumste door corona

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 3 mei 2021 - De hèlf vanne luuj euvere ganse werreld zoog 't inkómmen aafnumme dore gevolge van 't coronavirus. Det mirk me veural inne lenjer wo de loeane zowiezoea neet zoea hoeag ligke. Dao is väöl spraok van werkverluus of wirktiedsverkorting. Ómme ganse zeen det 1,6 miljard luuj. De perzentaasj van inkumsteverluus ligken 't hoogste in lenjer wie Thailandj (mit 76%) en 't leegste in Zwitserlandj (mit 10%). Anger lenjer die 't kwaod doon zeen Bolivië, Birma, Kenia, Oeganda, Indonesië, Honduras en Ecuador. Inne staote van Amerika ligk 't siefer op 34%.

In Nederlandj vèltj 't inkumsteverluus dus mit. Me kan opmirke det hie euvere lienje duchtig mieë gespaard wuuert es daoveur. Dit is aevel e verteikenendj beeldj, went det spaargeldj kump mit naam bie de luuj die al väöl verdeendje. Nag ummer haet e kwaart vanne Nederlenjers te min spaargeldj veur financieel klappe te kónnen opvange. Ómme gansen hawwe de Nederlandjse hoeshajes tösse mieërt 't jaor en fibberwarie dit jaor bao 46 miljard euro oppe spaarraekening staon, waat ruum twieë-óngerhalf mieër is es 't jaor daoveur. Dit euversjot aan spaargeldj zitj veural bie luuj die e modaal inkómmen of hoger höbbe (mieër es €36.500 de jaor).

Ouch bie bedriever ligke de versjillen hoeag. Zoea verwach 't medisch technologiebedrief dit jaor väöl te kónne verdenen aan häör coronasnelteste. Ieëre verwachdje die 300 toet 350 miljoen te kónnen ómzitten ane prove, meh det is noe biegestèldj nao 750 miljoen. De samelaeving mót mit 'n kómbenaasje vanne snelteste mit 't baksillere weer trögk aop kónne gaon op 'n flotter meneer. De prove gaeven in 15 menuut tied aan of eine besmètj is mit 't virus of neet.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.