Guaidó verklaortj zich interim-prizzendènt van Venezuela

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Juan Guaidó mit e deil van zien aanhengers op 11 jannewarie 2019.

MOFERT - 25 jannewarie 2019 - Inne Venezuelaanse houfstad Caracas haet Juan Guaidó zichzelf ieërgister oetgeropen es d'n interim-prizzendènt van Venezuela. Daomit zów hae d'n tiejeliken opvölger van Nicolás Maduro zeen. Dewiel Guaidó taengeneuver tieëndoezjende van zien aanhengers d'n eid aaflagte zag t'r: "Laot ós allemaol zwaere det v'r neet zólle raste toet v'r vrie zeen."

Guaidó zie prizzendèntsjap wuuertj óngerstiep door ónger angere de regering van Braziel. Ouch väöl anger Zuud-Amerikaanse lenjer, d'n Amerikaanse prizzendènt Donald Trump en Canada erkènne Guaidó es de nuje prizzendènt van Venezuela. De Europese Uunje erkèntj Guaidó memènteel neet. d'n Hujige veurzitter van 't Europees Parlemènt, Antonio Tajani, dieëj disdaags tródsdet 'nen oproop aan Madura zelf aaf te traeje. Aldus Tajani is Guaidó d'n ènsigste dae dimmekratische legitimiteit haet. Anger linkse fraksjes binnen 't Europees Parlemènt drejje zich óm veure hanjelinge van Guaidó en kallen euver 'ne staotsgreep. De Róssische prizzendènt Poetin blief waal steun bejen aan Maduro; gister hawwe de bei men e tillefonisch gespraek.

Maduro haet hieël kwaod reageerdj oppe machseuvernaam, in 't biezunjert oppe steun dae de Vereinigdje Staote bejen aan Guaidó. Gister verklaordje d'r alle diplomatische betrèkkinge mitte VS te gaon verbraeke. Hae zag de Venezuelaanse ambessaads en consulaten inne VS te sloeten en det alle Amerikaanse diplomate binne 72 oer 't landj mótten höbbe verlaote.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.