Groetste hóndjsshow van de waereld in Amsterdam
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
11 augustus 2018 - In de RAI in Amsterdam weurt mörge de World Dog Show aafgesjlaote. 't Is de groetste hóndjsshow t'r waereld, dae op 9 augustus waerde geäöpend in kómbenasie mit 't einendaags evenement Benelux Winner Show, det ierder de Holland Cup en veur 126 jaor lang de Amsterdam Winner Show waerde geneump. Op de bäörs zeen viefdoezend hunj van euver de ganse waereld te zeen. 't Evenement is ouch toegenkelik veur baeskes mit hunnen hóndj. Veur hunne veerveuter zeen zie den waal 'n extra entreebedraag kwiet. Op de bäörs waere dimmenstrasies gehawwe, sjtaon allerlei stands woe produkte veur hunj waere verkoch en waere workshops gegaeve.
't Amsterdams kleesj van B&W leut óngerzeuk doon of 't meugelik is hóndjsshows in de toekóms te verbeie in de sjtad, ómdet zie 't waalzeen van dere in de waeg zouwe sjtaon. De groep dimmenstrante die tiedes de äöpening op d'n aafgeloupe dónderdig veur deerrechte protesteerde, besjtóng ondanks det slechs oet vief persoene; d'n helf minder es 't aantal persoene det zitting haet in 't Amsterdams kleesj. 't Groetste leid leek den ouch boete de RAI plaats te höbbe, woe de pelissie hunj oet zès euververhitsde auto's mós bevrieje.
Brónne[bewirk | brón bewèrke]
- College wil geen hondenshows meer in de stad. Het Parool, 26 juli 2018
- Een hondenshow, kan dat nog?. Lex Boon - Het Parool, 9 augustus 2018
- RAI ontvangt tienduizend honden voor gigantische show. Het Parool, 6 december 2017
- Dogshow Amsterdam – BENELUX Winner. Kynoweb, 9 augustus 2018
- Politie redt oververhitte honden bij internationale hondenshow. NOS Nieuws, 10 augustus 2018
- Bezoekersinformatie. World Dog Show 2018, 9-12 augustus 2018
Dit artikel besleit aad nuujs en maak deil oet van oos arsjief van nuujsberichte.