Groeate brandj bie trögkwinningsbedrief Vinraoj

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 21 mei 2022 - Dao is 'ne groeate brandj bie e verwirkingsbedrief ane Metaalwaeg in Vinraoj. De brandj is in 'n hal van twieëenhalfdoezjendj veerkantje maeter die vol ligk mit aafval. Die brandj waas vriedigtenaovendj róndj 19:45 oere oetgebraoke. Luuj in Vinraoj kónne nag ummer las höbbe van stank en van rouk.

't Vuur sprèdje zich hieël flot oet, wodoor de brandjwaer e groeat alarm aafreep. Dao kome diekke wolke mit rouk vrie bie de brandj. 't Floepdje de brandjwaer te verkómme det 't vuur zów euverslaon nao anger geboewer oppe bedriefsgróndj. Daoveur broekdje die waal nag blöswater aanveure van anger plaatse mit transportwages. M'n haet nag de ganse nag mótte blösse. Wie de brandj ónger behieërsing kómme woor, begós de brandjwaer de loeads mit zwaor gereidsjap laeg te trèkke. M'n duit de käölendje reste boete gans oetmake, meh det zal nannen tied ware.

Dore brandj enne rouk daovan mós m'n ouch vriedigtenaovendj de McDonalds inne buurt óntrume. Gasten en persenieël van 'n hotel kortbie mósten ouch de ramen en deure toehaje. De brandjwaer haet maetinge verrich en dao-oet is gebleke det gèn gevieërlike wieväölhejen aan óngezónj stóffen inne rouk zitte. Det hèltj in det dus gei gevaor is veur ómwonendje. Bie de brandj is geine verlets wore.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.