Grenseuvergank Kan testeweerd door vandale
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 29 mieërt 2020 - d'n Tiejelike grenseuvergank tösse Belsj en Nederlandj bie Kestieël Neerkan is testeweerd wore. Det gebeurdje inna nach van dónderdig op vriedig; waem det haet gedaon is nag ónbekandj.
De grenseuvergank waas de veurige waek dore Belzje regering opgezatj gewore wie zie de grens slote veure verspreijing van 't coronavirus taenge te gaon. Sómmige euvergeng zeen nag deils aop veur wichtige reizendje, meh deze waas gans toe.
Bie dezen euvergank waas de veurige waek neet mieër es get petónblök en hègke, meh de luuj oppe voot en mitte fietsj bleve gewuuen daodoorhaer kómme. Hieveur sloot me de ganse waeg mit 'n twieëdje rie hegke: vanne moer van 't kestieël toetane däörenhègk anen angere kantj vanne waeg, mit tankeldraod taenge luuj die dao-euverhaer wólle klumme.
De versperring waas besjajig; zoea waas de pindraod op versjillendje plaatse kepótgeknip, de hègke versjuuf enne lintje losgerete, wodoor me weer langs de versperring kan loupe. Det waas 'n bewóste aksje, went sónger gereidsjap krieg me det neet vaerdig.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.