Glazere moer es besjerming taengen hoeagwater in Naer
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 26 november 2020 - E tieëntaal aan glazere roete zeen gezatj gewore bie de haven in Naer. Dees mótten 't meuledörp enne ómgaeving gaon besjerme taengen euverstruiminge vanoete Maas.
't Glaas vanne roete besteit oet vief laoge mit faolje d'rin, waat biezunjer is. Dit is 'n nuuj saort glaas womit me speciaal prove gedaon haet. Nag waal boumstamme die in 't water kónne drieve kóste dit glaas neet doorbraeke.
De keus veure glazere moer is gekómmen es oetbunjel veur 't oetzich oppe Maas te behaje veure ómwonendje. Eder glazere plaat is twieënhalve maeter breide en sevetig sentemaeter hoeag. Die zeen gezatj gewore baovenoppe walmoer die al zelf e deil maeter hoeag is.
Dore nuuj moer zeen de inwoonders van 't dörp zat besjurmp taengen hoeag water. De kans det noe nag 'n euverstruiming in Naer kump is èns oppe twieëhóngerdfieftig jaor. 't Watersjap is nag besjeftig mit vieftieën anger plaatse langs de Maas, allemaol gelaenge tösse Thoear en Genp. M'n haop det m'n achter vief jaor vaerdig is mit alle besjurmingsmaotregele.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.