Giezeling in Amsterdam, väöl pelissie aanwaezig
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Op 't Leidseplein in 't centrum van Amsterdam is 'ne gewapenden euverval op 'ne winkel oetgeloupe op 'n giezeling. D'n euverval waar op 'n vestiging van Apple Store. Volges de pelissie waar emes mèt 'n vuurwape inne winkel en zint specialistische pelissie-einhede op 't Leidseplein veur de situasie ónger kontrol te kriege.
De pelissie bringk op dit moment in kaart wieväöl luuj zich in 't pandj bevinge. Op beelde op social media is te zeen det 'ne gewapende manskaerel 'nen angeren óngewapende manskaerel ónger sjot hèlt, mer wieväöl luuj dao percies binne zint, is nog neet dutelik.
De specialistische einhede zint toegerös op situasies wao-in mie es allein noedhölp nuuedig is, zaet de pelissie. Ómwoenende, óngernömmers en wèrknömmers weure opgerope óm neet boete te kómme kieke en binne te blieve.
De mèlding vannen euverval woort róndj 17.40 gemaak. At5 mèld det versjillende getuge sjeut höbbe gehuurd innen Apple Store. De pelissie sjrief det de beelde op social media weure veiliggesjteld en mitgenómme in 't óngerzeuk. Via Twitter vreug de pelissie luuj óm truukhajend te zien mit 't deile van beeldmatterjaal vanwaege de veiligheid van de luuj die bie dit incident betrokke ware en de pelissie-agente.
Volges freelance zjoernalis Tim Wagemakers, dae dao aanwaezig is, waar de situasie aan 't begin vannen aovend dreigend en ware dao agente mit getrokke wapes te zeen. "'t Plein is laeg, luuj zint in kefees en deure toe. Bie De Balie [e theatergeboew kórtbie det plein, red.] bieveurbeeld mótte luuj eweg vanne rame", sjreef Wagemakers op Twitter.
Ouch vlege dao 'n aantal pelissiehelikopters baoven 't gebeed. Róndj 18.30 haet de pelissie edereine inne geboewe óm de Apple Store haer geleid, mèld AT5.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.