Geraakdje kerncentrale Fukushima waersteit tyfoon
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
donderdig, september 22, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
Zörg euver sjaaj ane Fukushima Daiichi kerncentrale zeen eweggelaote veur noe naodet 'ne sterke tyfoon door Japan góng dès goonsdigs.
Tyfoon Roke, dae winj mit zich mitbrach toet 180 kilomaeter de oer, haet minstes zes luuj in Japan gedoead en vreug óp dónderdig loog t'r 280 kilomaeter van Tokyo aaf, wodoor d'r zörg koom euver de óprumingsorganisaties die róndj de nucleare reactor plaats vónje.
De tyfoon volgdje nao 'n aerdbeiving van 5,3 óppe sjaal van Richter dae Hitachi raakdje, ten noeardoeaste van Tokyo, róndj 10:30 's mörges.
Dóch zag de operator vanne Tokyo Electric Power Company (TEPCO) det Fukushima gein wiejer sjaaj had óngevónje van dees natuurrampe.
"Weer höbbe gein mèljinge óntvange van abnormaliteite of probleme nao de tyfoon en de recènte aerdbeiving," zag Hajime Motojuku, de waordveurder vanne TEPCO.
Óndanks det 't keulsysteem normaal bleef functionere, bleef Motojuku de meugelikheid van sjaaj aan de boetemoere vanne fabriek in ach haaje, juus wie sjaaj aan achter deile vanne faciliteit.
De tyfoon koom twieë daag naodet antinucleare proteste in Tokyo doezjendje Japanners de straot vanne stad óp dreve. De protestante, die zich zörg maakdje euver 't aafwezig zeen van zieëkerheid vanne consequenties vanne ramp bie Fukushima en die neet tevreje waren euvere acties vanne regering, repe veur 'n ènd aan kernenergie in e landj wodet de conventionele meneer slechs 'n dèrdje vanne elektriciteit levertj.
Óngertösse wore de Japanse auteriteite 'nt haope óm succesvól 'n "kaaj sloeting"vanne Fukushimereactore 'n maondj ieëder es verwach te kinne bereike, volges mediameljinge op dónderdig. Radioactieve oetstoeat woor al verminderdj toet ein óppe veer miljoen van waat 't oearsprónkelik waar door succesvól de reactorkerne te kinne keule, vólges 't lèste maondjelikse rapport euvere óprumingsoperaties van TEPCO.
De reactore blieve nag euver 550 ton water edere daag neudig höbben óm de nag ömmer heite radioactieve brandjstof die det in h'r zit te kinne stabilisere. 't Aafkeule vanne reactore blief cruciaal óm gevieërlike euververhitting die kin leide toet waterstof explosies te veurkómme, óm zoea te veurkómme det t'r nag mieë straoling inne atmosfeer vriegelaote wuuerdj en ouch 'ne meltdown in inkel reactorkerne oet te blieve haje.
Inne VS is de Nucleare Regulatiecommissie bezig mit 't make van nuuj veiligheidsveursjrifte nao de ramp bie Fukushima. 'ne Taskforce vanne NRC haet aanbevaeling oetgegaeve die zich focusse óp 't verstèrke van keulsysteme, noeadstroumveurzeninge en 't vergroeate van 't kinne vanne fabriek óm pent-uphydrogen lós te laote óm Fukushimaechtige explosietaferele in de toekóms te kinne veurkómme.
Brónne[bewirk | brón bewèrke]
- AFP. "Typhoon batters Japan but nuclear plant safe; M5.3 quake strikes Ibaraki" — Japan Today, September 22, 2011
- Dan Vergano. "U.S. learns nuclear plant lessons" — USA Today, September 22, 2011
- Mitsuru obe. "Fukushima 'Cold Shutdown' Could Come This Year" — The Wall Street Journal, September 21, 2011
- "Anti-nuclear rally in Tokyo draws thousands" — The Washington Post, September 20, 2011
Dit artikel besleit aad nuujs en maak deil oet van oos arsjief van nuujsberichte.