Naar inhoud springen

Gemèndjeraod Southampton stömp taenge waterfluorisatie/Veldeke

Veug links toe
Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

vriedig, september 16, 2011

Trök nao de veurpagina
spelling: Hoeaglèmbörgsj - Durchzettingssp. - Internasjonalspelling

'ne waterfluoridemonitor in Le Sueur County, Minnesota.

Plannen óm fluoride toe te voge aan drinkwater in Southampton, Hampshire, Ingelandj, zeen verwórpe door de gemèndjeraod, mer 't zit d'rin det 't toch doorgeit. De taengestöm vanne gemèndjeraod volg oet de sterke lobbycampagne "Hampshire Against Fluoridation" (Hampshire taenge fluoridatie), worónger 'n petitie vèltj die door zèsdoezjendj man óngerteikendj gewaoren is.

't Besloet of 't water van Southampton gefluoriseerd mót waere, mót gemaak waere dore South Central Strategic Health Authority, die unaniem beslaote höbbe det "de gezóndjheidsveurdeile ópwaege taenge alle taengeargumente."

'nen Inwoner van Southampton, Geraldine Milner, haet ieërder de Strategic Health Authority aangeklaag ómdet zie in 2009 zówwe höbbe beslaoten óm de waterveurzening te fluorisere "zónger nao al die luuj die 't neet hie wólle te loestere." Bie 't Hoeager Gerèchshof haet de rechter beslaote det "'t gein wet is det bie fluorisatie van 't water per sé 'n mieëderheid vanne bevólking d'rachter mót staon" en det de Strategic Health Authority de beslissing hie-euver mót make.

Fluorisatie wuuertj in versjèllendje anger plaats in Brittanië all gebroek, worónger gebiede róndj Newcastle upon Tyne, Birmingham, Lincoln, Mansfield en Bedford. Planne óm inkel waterfluorisatieplanne in 't noeardje van 't landj te sjrappe, esouch de koste die d'raan verbónje zeen, zeen gebroek gewaoren es argumente dore campagneers in Hampshire.

Volges de Gezóndjheids- en Sociale Veurzeningewet dae noe in 't parlement bespraoke wuuertj, wuuertj de Strategic Health Authoritie in 2013 aafgeblaoze. Royston Smith, de leider vanne gemèndjeraod van Southampton, zag det indeen de fluorisatie plaatsvindj, 't neet trögk te drejje vèltj mitte hujige wetgaeving.


Dit artikel besleit aad nuujs en maak deil oet van oos arsjief van nuujsberichte.

Brónne

[bewirk | brón bewèrke]
Aafkómstig van "https://li.wikinews.org/w/index.php?title=Gemèndjeraod_Southampton_stömp_taenge_waterfluorisatie/Veldeke&oldid=3098"