Gemèndje Haerle wiltj euverlas biejesjiet Gebrook vorsje
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 6 mieërt 2020 - De euverlas van biejesjiet dae wuuert ervaren in Gebrook geit gevorsj waere dore gemèndje Haerle. Hieveur waere beweuners van 't betróffe gebied opgerope zich te melje bieje gemèndje wen zie ouch las höbbe daovan.
De ganse sirk begós 't veurig jaor doe oete wiek Nuuj Lotbrook e deil klachten oetroldjen euvere biejesjiet. De sjiet zów wages, ramen en haofsteule bedèkke. Hieveur haw de gemèndje Haerle doe e biejeinkómme veure wiekbeweuners opgezatj. Bie dit biejeinkómme woort aafgespraoke det 'n nuuj vörsjing zów waeren opgezatj.
Veur good te kieke wie 't ineinzitj mitte biejen enne ervaren euverlas wiltj de gemèndje in kaart bringe wo 't zich próntj bevindj. Daoveur höbbe zie 'ne breef gesjik mit daobie twieë foto's van klein keutelestrepe, det de buurtbeweuners zelf kónnen herkènne waat próntj biejesjiet is en waat neet. Wen zie dan biejesjiet vinjen innen haof of op anger plaatse boete, kónne zie det doormelje.
Oppe sociaal media zörg de breef vanne gemèndje veur get heisa. Väöl luuj meine det 't 'ne vervreugdje foep veur 1 april betröf. Hierop reageert de gemèndje det es bliek det de euverlas op bestumdje plaatsen hieël groeat is, m'n aafspraoke geit make mitte imkers.
Ouch zaet de gemèndje det zie de bieje neet wiltj verjage. 't Beleid is namelik veure bieje de stad in te kriegen en neet d'roet, went bieje zeen wichtig veure voorverzening vanne miense.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.