Geinen internasjenale noeadtoestandj veur Wuhanvirus aldus WGO

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Verspreijing van 't Wuhanvirus op 21 jannewarie 2020.

MOFERT - 24 jannewarie 2020 - De Werreldgezóndjheidsorganisaasje zuutj veur noe gein aanleijing veuren internasjenale noeadtoestandj oet te rope veur 't nuuj coronavirus 2019-nCoV, inne vouksmóndj bekandj es 't Wuhanvirus. Dees bekandjmaking woort gedaon dore WGO in Genf. Aldussen dirrektuuer-zjinneraal Tedros Adhanom Ghebreyesus is de verspreijing van 't virus noed'ndaag te min boete Sjina veur det te doon. Boete Sjina haet 't namelik mer ei val inne Vereinigdje Staoten en mieëder vel in e deil Aziatische lenjer wie Taiwan, Zuud-Korea, Thailandj en Japan. Al dees vel zeen aaf te leie toet reizendje luuj.

De noeadtoestandj guldj waal in Sjina zelf. Hie haet 't nuuj virus intössen al 26 luuj 't laeve gekos. Al dees doeadgeblevene kómmen oet Wuhan of de ómgaeving. 't Virus is ouch veuren ieëste inne stad Wuhan kónstateerdj. 't Virus is noe vasgestaldj bie mier as 800 luuj, meh dinkelik haet 't gans biejein zoea 4.000 besmettinge. Me haet de stad Wuhan gans boete de werreld gezatj mit toew vleegveljer en platgelag aopenbaar verveur. Wielang dees maotregelen aanhajen is nag ónbekandj.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.