Gein vervolging anti-Wildersposters

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


15 januari

De posters die de politie aafgeloupe weekend bie 'n anti-Wildersdemonstratie in Amsterdam in beslaag haet genaome zeen neet beledigend. De betrokke persone zulle neet waere vervolg. Dit haet 't Openbaar Ministerie (OM) in Amsterdam maondig bekindjgemaak.

Hoewaal aanvankelik de verdinking van belediging bestóng, mót geconcludeerd waere det die neet euvereindj blief, aldus 't OM in 'n verklaoring.

Belediging[bewirk | brón bewèrke]

't OM beslaot toet inbeslaagnömming en aanhajing ómdet de posters sterk leke op posters die eerder leidde toet 'n veroordeling waeges belediging. Bie die anger posters ging 't echter óm belediging van 'ne bevolkingsgroep. Volges justitie waerde Wilders op de posters in Amsterdam mit dezelfdje bewäörding aangeduud es dae bevolkingsgroep.

Aanvankelik leke de posters zich ouch te richte toet de persoon Wilders. "Ós näöjer oordeil is echter det de posters zich richte taenge de oetlaotinge van de heer Wilders", aldus 't OM. "Aangezeen de heer Wilders 'ne lanjelik bekindj politicus is, kós waere verwach det reacties kómme op zien standjpuntje. Dees posters valle in dae conteks ónger de vrieheid van meiningsoeting."



Dit artikel besleit aad nuujs en maak deil oet van oos arsjief van nuujsberichte.