Gei draagvlak veur dörper Naord-Limbörg te verzoepe veure Randjstad te besjurme
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 29 mei 2020 - 't Limbörgs Parlemènt is taenge de plannen e deil dörper bie Genp ónger water te zitte bie oetzunjerlik hoeagwater. E perjek veur 't gebied te besjurme haw 'ne variant wobie det zów gebeure veure Randjstad te óntzeen. 't Projek hètj "Lob van Gennep" en is gemèndj veur 't gebied rónjelóm die stad te besjurme bie euvervlood vanne Maas.
't Projek kump veur in drie variante: biejen ieëste waere sumpeleweg de dieke verhuueg, biejen twieëdje waere de dieken opgehuueg mit dörpele, wo 't water vanne Maas 't landj in kan struime. Dees bei variante zörge veur 'n euverstruimingskans van èns oppe driehóngerd jaor. d'n Ómstreje derdje variante maak 'n sjaof inne diek, waat kan waeren aopgezatj bie hoeagwater. Dit zów mer èns oppe driedoezjend jaor veurkómme, meh wen 't wuuert oetgeveurd verzoepe de dörper Ven-Zelderhei, Ottersem, Plasmeule, Middelieër en Milsbaek, woveur waal ieës de bewoonders evakueerd waere. Hiemit wiltj me de stej daobaove, wie De Bós en Rótterdam, óntzeen.
De derdje meugelikheid is taenge próttesteerd door e deil pertiejen in 't Limbörgs Parlemènt. Zie willen hie 'ne streep doorzitte, went de pervinsje mót neet de zómp vanne Randjstad waere. Ieës waas Limbörg, zoea zègke ze, al opg'offerdj mitte miensjaaj en den noe ouch mitte watersjap. Wiejer löp de variant op taengespraok doordet óngerzeuk óntwies det de waterstandj inne Maas gaar neet zoväöl zów klumme. Es lèste vindj me det moodwillig op 'ne knoep duje veuren diek te äöpene gans anges aanveultj es 'n netuurlike euverstruiming.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.