Gans voetbalmansjap mit de coach oet de grot in Siam

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

10 julie 2018 - 't Voetbalmansjap bestäönde oet kinjer mit ziene coach die veur ruum twieë waeke höbbe vasgezaete inne grot in Thailandj (Siam), zeen stinsdigs allemaol oet die grot eweggehaoldj door dukers.

De menner zote zon veer kilomaeter wied deep in de grot in e gebied mit de naam Pattaya Beach. Hie hawwe zie 'nen daag oet. Ze kome verstaeks wie d'n oetgank woort blokkeerdj door haevige raengerval. Doordet väöl van de jungskes neet kóste zwumme, woor 't ouch gein optie veur die gemekkelik droet te kriege. 'n Internasjenaal duukteam en Siamese marineers kome draan te pas veur de opgeslaotene te kónne bevrieje.

't Goof mieëmels perbleme mit de zoerstof. Einen duker is daodoor ouch gehieëmeldj, went zien zoerstof waas oetgeraak. Ónger de leje van 't voetbalmansjap zeen gein slechoffers te bedreuve. Waal krege zie - mit naam doordet zie erg verzwaak wore dore langen tied waat zie doorbrachte inne grot - middelkaasje en kalmeringsmiddele. Ze woorte de grot op 't lits oetgevare op brankaars en aafgeveurd nao 't krankenhoes, wo zie kónterleerd woorte en kóste aansterke.

De premier van Thailandj haet sjoean aangekunjig det veiligheidsmaotregele gaon waere getroffe bie de grot. Dit ómdet dees grot noe werreldbekandj is gewaore, waat weer väöl toeriste zal gaon aantrèkke. Mit naam bie d'n ingank en bie d'n oetgank zólle mieë bewakers gaon staon.

Brón

Alle voetballertjes en coach gered uit grot Thailand. De Limburger, 10 julie 2018

Dit artikel besleit aad nuujs en maak deil oet van oos arsjief van nuujsberichte.