Gaelen driezjwans nao hónderd jaore truuk van eweggewees
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Nao 'n aafwezigheid van mier es hónderd jaore haet de gaelen driezjwans de waeg nao Limburg weer weite te vinde. De zeldzaam eindaagsvleeg, ouch waal bekind es de Potamanthus luteus, is ónlangs gesignaleerd gewaore inne Roer. Det weit 't BNNVARA-program "Vroege Vogels".
De gaelen driezjwans haet, zoewie de naam deit vermoede, drie zjwansdräöj. Dit in taegesjtelling tot anger eindaagsvlege. 't Insek haet 'ne veurkäör veur sjoen grindjbanke en zuver water. Doordet de Roer saer inkel jaore weer meandert, voldeit de reveer noe ane veurkäöre van 't bieske.
De eindaagsvleeg, die ónder de Potamanthidae-femilie vèlt, laef jaore es larve ónder water. Einmaal op 't landj aangekómme is 't laeve vanne saort hiel kórt. 't Bieske vervelt, vluueg nao 'nen bós en sjtort zich vervolges doorgaons ein of maximaal twie daag oppe paring. 't Haet geinen tied óm te aete. Daonao geit 't doed, aldusse "Vroege Vogels".
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.