GGD duit weitesjappelik óngerzeuk nao coronabrandjhaerd Kessel
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Kessel - 7 mei 2020, Waoróm sjloog 't coronavirus veural in Kessel hel óm zich haer? Zeen d'r lesse te trekke veur 'n eventueel volgende infectiegolf?
De gemeinte Pieël en Maas, mier sjpecifiek 't dörp Kessel, telt rilletief vuuël coronabesjmettinge. 't Vermoede besjteit det 'n drök bezóchde crowdfundingsactie taege de sjpierkrenkde ALS, op 5 mieërt, 'n belangrieke besjmettingsbrón is gewaes, maar det is neet zikker, zaet direktäör Jac Rooijmans van de Veiligheidsregio. "Weej wille det noe wal naogaon. 't Guf vuuël besjikbaar data van de positief gestesde luuj dao. Die vörme de basis van weitesjappelik óngerzeuk det weej gaon sjtarte. Binne noow en twieë waeke mót de óngerzeuksoprach vaerdig zeen."
Midde in de heftigste crisiswaeke zoog de GGD gen raeje óm in Kessel extra maotregele - wie dökker teste of intensiever brón- en kontakóngerzeuk - te neme, zaet GGD-manager Henk Janssen. "Det Kessel biezónger hel is getroffe, det kèns te achteraaf zègke, maar midde in de complexiteit van die ganse crisis zoge weej gen biezónger raeje veur 'nen angeren aanpak. Wat in Kessel gebeurde, pasde in 't beeld det op diverse plekke brandjhaerde aan 't óntsjtaon waore."
"Noow weej get mier van 'nen aafsjtandj kènne kieke, höbbe weej toch wal vuuël vraoge. En ouch de gemeinte en häör inwoeëners höbbe die. Maar of euveral 'n antwaord op kump, is neteurlik neet te belaove."
Exacte besjmettingsciefers euver 't dörp Kessel zeen neet besjikbaar. De gemeinte Pieël en Maas is volges de ciefers van 't RIVM van alle Limburgse gemeintes aafgezat taege inwoeëneraantalle 't hels getroffe door corona. Tot goonsdig zeen dao 59 inwoeëners van de gemeinte gesjtorve es gevolg van 't virus; 135 luuj móste waere opgenaome in 't krankehoes.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.