Gènnen diek in Gulpdaal; buim mótte water opvange

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De Gulp bie Slennich.

MOFERT - 5 junie 2020 - In 't Gulpdaal kump gènnen diek bie Slennich taengen euverlas van water. Dit kump dore hoeag köste, meh veural ouch doren invlood waat dit zów höbben op e kortbiegelaenge netuurgebied. Dit besloet woort gemaak dore Staotsbósbehieër, de pervinsje, 't waterjsap enne gemèndje Gulpe-Wittem.

De idde veur 'nen diek kwaam nao 'n bies in 2012 waat zörgdje veur hieël väöl sjaaj in Slennich en Bäötenake. De inwoonders van die dörper en Staotsbósbehieër vónje dit van begins aaf aan al gein gooj idee, wodoor 't plan neet vanne veut aaf kwaam.

Inplaats 'nen diek kómme anger waterbremzendje maotregele, wie 't paote van ruum hóngerddoezjend buim en struuk. Dees haje dan 't water langer vas oppe hellinge, wodoor dit traoger nao de Gulp stroump. Dit pas in 't beleid veure netuur zie werk te laote doon in 't gebied van zón 20 hektaar groeat.

De maotregele vallen ónger e gezamelik behieër- en óngerhaadsplan veure Gulp en ómgaeving van 't watersjap, Staotsbósbehieër enne lokaal gemèndje.

Brónne[bewirk | brón bewèrke]



Dit artikel besleit aad nuujs.