Gèn treins en bösse door snieëlaog

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 7 fibberwarie 2021 - Zónjig vare zeker toet 12:00 oere gèn treins dore snieë en 't gevruus waat mit 't wintjerwaer gekómmen is. Boete de treins varen ouch gèn bösse. Sieër zaoterdigtenaovendj is 't duchtig gaon snieëje wodoor intössen op 't euverdeil van 't landj e läögske snieë ligk.

De spaorbehieërder ProRail haet laote wete det 't slech waer veur zoväöl stuueringe zörg in 't ganse landj det 't neet meugelik is treins te laote vare. Waal gaon ze de kómmendje oere betrachten of m'n óm middig veurzichtig kan aanvange mit 't verveur. Dinkelik zal det verloupe mit 'ne gefaseerden opstart, meh de kleinigheje daovan zeen nanneet bekandj. Reizendje luuj wuuert de raod gegaeve de reisplenner inne gate te haje. De Nederlandjse Spaorwaeg gaeven e saortgeliek beeldj en gaeven aan det mit naam väöl stuueringe zeen ane wèssels en aan anger infrastructuur.

De bösverveurder Arriva haet te kinne gegaeve det ouch 't bösverveur toet noe platligk. d'n Toestandj oppe waeg is nag te gevieërlik veure bösse te laote vare. Boete Limbörg staon det bössen ouch stil in Naord-Braobantj, deil van Zuud-Hollandj, de Zaanstreek, Utrech, Twente en Iessel-Vech. Wiejer vare minder metrotreins in Rotterdam en Amsterdam.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.