Gèn treins deil Maaslien óm aanvaring Tiendere

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 29 dieëtsember 2022 - Nao 'n doeajelike aanvaring goonsdigtemiddig ligk nag ummer e good deil vannen daag 't treinsverkieër oppe Maaslien plat. Ouch op anger stökker van anger verdeurs zeen stuueringen op 't spaor. Me verwach det dónderdig de treins pas róndj 18:00 weer kónne vare.

Goonsdigtemiddig waas 'n óngelök oppe Spaorstraot in Tiendere, wobie de sjefuuer van 'ne vaegwagen ómgekómmen is. De vaegwage woort róndj 14:40 oere geraak dore stoptrein van Arriva. In daen trein zeen veer luuj lichtelik verlets wore, worónger de masjenis dae verletsingen ane kop haw. Alle verletsdje luuj woorte kónterleerd door luuj vanne krankewage, meh geinen hoofdje nao 't krankegestich. M'n haet de inzittendje vannen trein opgevangen in 't gemèndjehoes van Hors.

Dao waas zoväöl sjaaj ane iezerbaan ennen euverwaeg det 't nag toetin dónderdig waart ieër de Maaslien trögk begenkelik is. Reizendje tösse Vinlo en Vinraoj mótte noe mitte bös gaon.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.